اپنی زندگی آپ جیئیں

 دنیا میں آنے والا ہر انسان اپنے حصے میں کتنی سانسیں

 اورکتنا وقت کے کر آیا ہے یہ خود اس انسان سمیت کوئی بھی نہیں جانتا۔مگر ساتھ ہی ہم زندگی بھر یہ اندازہ بھی نہیں لگا پاتے کہ ہمارے حصے میں آئی سانسوں اور وقت میں سے کتنے فیصد پر ہمارا حق ہے۔اور ہم اپنے حصے کا سارا وقت اور تمام سانسیں اوروں کی مرضی کے مطابق جینے کی غلطی کرتے ہوئے گزارتے ہیں اور یوں زندگی بھر زندگی جینے کی اصل لذت سے محروم رہتے ہیں۔

ہم اپنی آنکھوں سے خود کو دیکھنے کے بجائے اپنی جانب دیکھتی دوسری آنکھوں پر زیادہ توجہ دیتے ہیں ہمارے کان ہماری آنکھ بن جانتے ہیں جن سے ہم دوسروں کی اپنے بارے میں رائے اور تبصروں کی عینک سے اپنی شخصیت کو دیکھتے ہیں اپنے شخصیت کو اوروں کے تجزیے کے ترازو میں تولتے ہیں۔اس لئے ہمیشہ غیر مطمئین رہتے ہیں۔ہم اپنے سوا سب کو جانتے ہیں۔ہماری اپنے آپ سے کبھی دوستی نہیں ہو پاتی۔ہم اپنے بارے میں خود کوئی رائے ہی نہیں رکھتے۔ لباس ہی کا معاملہ لے لیجیے۔ ہم ہمیشہ وہ لباس پہننا پسند کرتے ہیں جسےپہن کر ہم دوسروں کو اچھے لگیں۔اپنے بالوں کے لئے وہ ہئے اسٹائل چنتے ہیں۔جو ہمارے ارد گرد لوگوں میں مقبول ہوتا ہے۔ہم اپنے اطراف لوگوں کے قیدی بن کر جیتے ہیں۔آخر ہم چالیس پچاس سال گزرے دور کا فیشن کیوں نہیں کرتے؟؟ صاف ظاہر ہےکہ اس دور کی نسل اب ہم میں ان کے دور کے فیشن کی داد دینے کے لئے موجود نہیں ہے۔۔ہم ٹام کروز اور دوسرے اسٹار جیسا نظر آنا چاہتے ہیں یعنی خود میں شاہد حبیب اپنے آپ کو بطور شاہد حبیب کے دیکھنا ہی نہیں چاہتا۔ہم زندگی بھر ایک سوال کے خوف میں جیتے ہیں کہ لوگ کیا کہیں گے یہ سوال زندگی بھر ہمارے اعصاب پر سوار رہتا ہے جب کہ درحقیقت یہاں سوچنے اور سمجھنے کی بات یہ ہےکہ لوگ خواہ کچھ کہیں یا نہ کہیں آخر ان کے کہنے سننے کی ہمارے نزدیک اس قدر شدید اہمیت کیوں ہے؟اوروں کی سوچ ماتحت جیتے ہم زندگی بھر خود سے دور رہتے ہیں خود سے تعلق نہیں بنا پاتے اپنے اندر نہیں جھانکتے کہ خود ہم اپنے لئیے کیا پسند کرتے ہیں۔ہم ایسا لباس کیوں نہ پہنیں۔ جو خود ہمیں اپنے آپ پر اچھا لگے کیا ضروری ہے کہ ہم وہی فیشن کریں جو دوسرے کر رہے ہوں؟ہم کیوں کسی اداکار اداکارہ یا ماڈل جیسا نظر آئیں کیا اس نے بھی ہماری طرح نظر آنے کی کوشش کی ؟کیرئیر، رہائش اور آمدنی غرض ہمارا کوئی فیصلہ ہمارا نہیں ہوتا۔یہ وہ چھوٹی چھوٹی باتیں ہیں جو ہم سے ہماری زندگی ہماری شخصیت چھین لیتی ہیں ہم زندگی بھر بے آرام اور بے سکون رہتے ہیں کیوں کہ ہماری توجہ کا مرکز ہماری اپنی ذات کبھی بھی نہیں ہوتی ہم اپنی غلطیوں پراوروں کی تنقید سن کےاندر  ہی اندر گھلتے ہیں۔یہ نہیں سوچتے کہ اگر وہ واقعی پیارے ہوتے تو تنقید کے بجائے ہماری غلطی پر اصلاح کے لئیے مشورہ دیتے ہم کبھی لوگوں کو یہ کہہ کر چپ کروانے کا حوصلہ نہیں دیکھا پاتے کہ جناب غلطی اگر میں نے کی تو تنقید آپ کیوں کریں؟ہم اس سوچ اور فکر میں اپنی زندگیوں سے آسانیوں کو بہت دور رخصت کر دیتے ہیں خوامخواہ پیچیدگیوں کو اپنا لیتے ہیں اپنے بارے میں سوچنا شروع کیجئے۔اس سوال کو ذہن سے کھرچ کر نکال دیجئے کہ لوگ کیا کہیں گے یہاں مقصد آپ کو بغاوت پر اکسانا ہر گز نہیں۔مقصود اگر کچھ ہے تو صرف یہ کہ اس حقیقت کو مان لیجئے کہ آپ سے بڑھ کر کوئی آپ کا دوست نہیں اپنی فکر کیجئے اپنے بارے میں فکر کئجیے۔اپنی سوچ کو مقدم رکھئےہم دنیا میں اکیلے آئیں ہیں اور اکیلے ہی جائیں گے اس تنہا آمد اور اکیلے روانگی میں قدرت نے ہمارے لیے ایک واضح اشارہ دیا ہے آنے اور جانے کے اس مختصر درمیانہ وقفے کو جیسے ہم زندگی کہتے ہیں اوروں سے زیادہ اپنا سمجھئیے ۔اپنے بارے میں اپنی رائے جانے کی کوشش کیجئے خود سے بات کیجئے اور یقین کیجئے کی پرسکون اور مطمئین زندگی گزارنے کا اس سے آسان اور 

کوئی نسخہ نہیں۔

شاہد حبیب ایڈوکیٹ

+923332472648